සිරි පැරකුම් චිත්‍රපට ගීතය

ඈත මෑත සුවඳ දී සැලී
නේක නේක හැඩ රුවින් මැවී
පාට පාට මල් වගේ පිපී
යාළු යාළු පොඩි ළමයි අපී
යාළු යාළු පොඩි ළමයි අපී

උදෑසනක උදාගිරක අරුණ කිරණ අපී
කඩා හැලෙන දිය දහරක පිපෙන බුබුළ අපී
සදා හරිත තුරු ගොමුවක සලිත ළපලු අපී
පාට පාට මල් වගේ පිපී
යාළු යාළු පොඩි ළමයි අපී

සඳ නැති රැය තිමිර බඳින තරු පිරිවර අපී
දේදුන්නට පාට හදන සමනල තටු අපී
ඇළට දොළට දිය පුරවන පිනි හිරිකඩ අපී
පාට පාට මල් වගේ පිපී
යාළු යාළු පොඩි ළමයි අපී

ඈත මෑත සුවඳ.....